1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Türkiyənin Burdur şəhəri yaxınlığında eramızdan əvvəl III minilliyin əvvəlinə aid edilən qəbir tapılıb.
Oxu.Az xəbər verir ki, bu barədə "Haber Global" məlumat yayıb.
Məlumata görə, qazıntı işləri zamanı təxminən beş min il yaşı olduğu müəyyən edilən skelet aşkarlanıb.
Arxeoloji işlərə rəhbərlik edən professor Gülsün Umurtakın dediyinə görə, qəbir erkən tunc dövrü adlandırılan eramızdan əvvəl üçüncü minilliyin dəfn ənənələrinə uyğun bir tapıntıdır.
Qəbirdəki qeyri-adilik isə mərhumun saxsı küpün içərisində, dizləri qarnına doğru qatlanmış şəkildə dəfn edilməsidir.
Skeletin yanına bəzi qəbir əşyaları da qoyulub ki, bu da məzarın tapıldığı bölgəyə və aid olduğu dövrə xas deyil.
