Yıxılaraq xəsarət alan yaşlılarda daha sonra Alzheimer xəstəliyi və ya digər əlaqəli demans diaqnozu qoyulma ehtimalı 21 faiz daha çoxdur.
“Cebheinfo.az” xəbər verir ki, bu, “Jama Network Open” jurnalında dərc olunan yeni bir araşdırmada deyilir.
Yeni araşdırma 2 milyondan çox yaşlı insanın məlumatlarını təhlil edib.
Onların 10 faizindən çoxuna sonradan demensiyanın bir növü diaqnozu qoyulub.
Alimlər deyirlər ki, yıxılma və demans arasında birbaşa əlaqəni müəyyən etmək çətindir. Bununla belə, onlar təklif edirlər ki, yıxılma nəticəsində xəstəxanaya yerləşdirilən yaşlı insanlar koqnitiv testlərdən keçməlidirlər.
