“Yuventus”un futbolçusu Pol Poqbanın dopinqə görə verilən cəzasının müddəti azaldılıb.
“Qafqazinfo” “MailSport”a istinadən xəbər verir ki, 31 yaşlı fransalı futbolçuya verilən cəzanın müddəti 4 ildən 18 aya azaldılıb. O, 2025-ci ilin yanvar ayından etibarən İtaliya təmsilçisi ilə birgə məşq edə biləcək. Rəsmi matçlara çıxmağa icazə isə mart ayından etibarən veriləcək.
Qeyd edək ki, Pol Poqba bu ilin qışında dopinqə görə 4 il müddətinə diskvalifikasiya olunmuşdu.
