Bakı, 4 oktyabr, AZƏRTAC
“Sumqayıt” klubu növbəti transferini həyata keçirib.
Klubdan AZƏRTAC-a verilən məlumata görə, “gənclik şəhəri” təmsilçisi Kanadadan olan Ali Akim Tayger Klarkın keçidini rəsmiləşdirib. İyirmi altı yaşlı basketbolçu ilə 1 illik müqavilə imzalanıb.
O, buna qədər Kanadanın “Toronto Metropoliten University” və ABŞ-ın “Vestern Oklahoma Steyt Kollekt” komandalarında çıxış edib.
Xatırladaq ki, “Sumqayıt” indiyədək amerikalı basketbolçular Derrik Nyuton, Calen Houkins, Ceylon Klark, Kaelen Meloun və rusiyalı Andrey Moteyunası heyətinə qatıb.
