İsrailin Livanın cənubundakı quru əməliyyatının əsas hədəfi sərhəddən təxminən üç mil (4,8 kilometr) şimalda yerləşən silsilələrdir.
Çünki oradan “Hizbullah” hərəkatı İsrailə, o cümlədən tank əleyhinə raketlərlə hücum etmək imkanına malikdir. Təhlükəsizlik mənbələrinə görə, əməliyyatın bir neçə həftədən çox çəkməyəcəyi gözlənilir.
Xatırladaq ki, oktyabrın 1-də İsrail Müdafiə Qüvvələri (IDF) Livanın cənubunda quru əməliyyatına başlayıb. Məqsəd “Hizbullah” infrastrukturunun məhv edilməsidir. Dünən, oktyabrın 3-də İsrail ordusu Livanın cənubunda gedən döyüşlər zamanı 9 əsgərinin öldüyü barədə məlumat yayıb. Qurbanlar arasında elit “Egoz” və “Golani” bölmələrinin döyüşçüləri də var.
//Samir Qurbanov, Editor.az
