Ukrayna Xarici İşlər Nazirliyi bəzi Rusiya KİV-lərinin Ukrayna hərbçilərinin Kursk AES-ə zərbə endirməyə cəhd etməsi ilə bağlı iddialarına cavab verib.
Bakıvaxtı.az xəbər verir ki, Ukrayna Xarici İşlər Nazirliyinin sözçüsü Georgi Tixi bu ittihamları rədd edib.
“Biz Ukraynanın Kursk AES-ə və ya onun yaxınlığında endirdiyi zərbələrlə bağlı Rusiya mətbuatında yayılan iddiaları qətiyyətlə rədd edirik, Ukrayna Silahlı Qüvvələri beynəlxalq humanitar hüquqa ciddi şəkildə riayət edir və mülki şəxslərə və mülki infrastruktura hücum etmir”, - o bildirib.
Qeyd edək ki, daha öncə Rusiyanın Teleqram xəbər kanalları Kursk atom elektrik stansiyasından bir neçə kilometr aralıda partlayış barədə məlumat verib.
