Azərbaycanın UEFA Avropa Liqasındakı təmsilçisi “Qarabağ” Liqa mərhələsində ikinci oyununa çıxıb.
Komanda Bakıda İsveçin “Malmö” kollektivini qəbul edib. Tofiq Bəhramov adına Respublika Stadionunda keçirilən görüşdə hesabı Azərbaycan çempionu açıb. Olavio Juninyo 15-ci dəqiqədə “Qarabağ”ı önə keçirib. Lakin “Malmö” Erik Botheimin 19 və 47-ci dəqiqələrdə vurduğu qollar sayəsində 2:1 hesablı qələbə qazanıb.
Qeyd edək ki, “Qarabağ” Avropa Liqasında növbəti oyununu oktyabrın 24-də Bakıda Niderlandın “Ayaks” klubuna qarşı keçirəcək.
