1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
UEFA Avropa Liqasının II turunda maraqlı qarşılaşmalar baş tutub.
Oxu.Az xəbər verir ki, Türkiyənin "Qalatasaray" klubu Latviyada yerli RFS ilə üz-üzə gəlib. "Aslanlar" ilk hissədə iki qol vursalar da, ikinci hissədə üstünlüklərini əldən verərək heç-heçəyə razılaşıblar - 2:2.
Yarışdakı təmsilçimiz "Qarabağ"ın öncəki turda rəqibi olmuş "Tottenhem" Macarıstanda "Ferentsvaroş"un qonağı olub. London klubu hər hissədə bir qol vurmaqla qələbə qazanıb. Meydan sahibləri son dəqiqələrdə bu qollardan birinin əvəzini çıxmağı bacarıblar - 1:2.
Qeyd edək ki, iki turdan sonra turnir cədvəlinə 6 xalla "Latsio" başçılıq edir. "Tottenhem" eyni xalla 2-ci, "Qalatasaray" isə 4 xalla 5-ci pillədədir.
