“Yuventus”un müdafiəçisi Qleyson Bremer mövsümün sonuna qədər sıradan çıxıb.
QOL.az xəbər verir ki, bu barədə İtaliya klubunun mətbuat xidməti məlumat yayıb. 27 yaşlı braziliyalı müdafiəçiyə çarpaz bağını qopması və meniskinin zədələnməsi diaqnozu qoyulub. Onun üçün bu mövsüm erkən bitib.
Qeyd edək ki, Qleyson Bremer bu mövsüm “Yuventus”un heyətində 8 oyuna çıxıb. Onun Turin təmsilçisi ilə müqaviləsi 2029-cu ilin yayına qədərdir.
