Ukrayna üzrə təmas qrupuna daxil olan NATO ölkələrinin qarşıdan gələn görüşünün əsas mövzusu Kiyevin Rusiya ərazisinin dərinliklərinə hücumlar üçün Qərb silahlarından istifadəsinə qoyulan məhdudiyyətlərin aradan qaldırılması məsələsi olacaq.
Azpost.info xəbər verir ki, bu barədə NATO Baş katibi Mark Rutte Kiyevdə mətbuat konfransı zamanı bildirib.
Onun sözlərinə görə, Alyans üzvləri bu məsələni oktyabrın 12-də müzakirə edəcəklər.
“ABŞ prezidenti Co Bayden şənbə günü, oktyabrın 12-də müttəfiqləri və Ukrayna ilə Rusiya ərazisinə zərbələrə qoyulan məhdudiyyətlərin aradan qaldırılması məsələsi ilə bağlı görüş keçirəcək”, – Rutte qeyd edib.
Azpost.info
