“The Independent” yazır ki, ABŞ Mərkəzi Kəşfiyyat İdarəsi (MKİ) rusiyalıların casusluğa uğurlu cəlb edilmə kampaniyasından sonra Çin, İran və Şimali Koreyada insanları potensial casusluğa cəlb etməyə başlayıb.
ABŞ-ın ən yüksək kəşfiyyat agentliyi “X”, “Facebook”, “Instagram”, “Telegram”, “LinkedIn” və “Dark Web” sosial media hesablarında çin, fars və koreya dillərində agentliklə təhlükəsiz əlaqə saxlamağa dair təlimatlar yerləşdirib.
“Bizim bu cəbhədəki səylərimiz Rusiyada uğurlu oldu və biz əmin olmaq istəyirik ki, digər avtoritar rejimlərdəki insanlar bizim biznes üçün açıq olduğumuzu bilsinlər”, - deyə agentlik sözçüsü əlavə edib ki, “MKİ” artan hökumət repressiyalarına və qlobal nəzarətə uyğunlaşır.
“Youtube”-da yerləşdirilən, yalnız yazılı təlimatları ehtiva edən çin dilli video fərdlərə təhlükəsiz, şifrələnmiş virtual şəxsi şəbəkələrdən (VPN) və ya “TOR” şəbəkəsindən istifadə edərək “MKİ” -nın rəsmi saytı vasitəsilə əlaqə saxlamağı tövsiyə edir.
Onlar faktiki şəxsiyyətləri ilə əlaqəsi olmayan şəxslərin adlarını, yerlərini və əlaqə məlumatlarını, həmçinin “MKİ” üçün maraqlı ola biləcək məlumatları, cavablara zəmanət verilməyəcəyi və vaxt apara biləcəyi barədə xəbərdarlıqla soruşurlar.
Almaz Həsənli
