Bu gün Azərbaycan çempionu “Qarabağ”, Avropa Liqasının Liqa mərhələsinin II turunda İsveçin “Malmö” komandasını qəbul edəcək.
Fins.az xəbər verir ki, Rusiyanın tanınmış “euro-football” portalı qarşılaşma ilə bağlı proqnozunu açıqlayıb.
Portalın proqnozlarına görə, sonuncu görüşündə “Tottenhem”ə 0:3 hesabı ilə uduzan və turnir cədvəlində sonuncudan əvvəlki yerdə olan Qurban Qurbanovun komandası, “bu oyunda qələbə qazanaraq vəziyyətini düzəltməyi hədəfləyir".
“Malmö” komandası isə son matçında “Reyncers”ə 0:2 hesabı ilə məğlub olub. İsveç çempionatında birinci yerdə olan mavilər, Avropa Liqasındakı mübarizəyə zəif start verib.
Bukmeker kontorları “Qarabağ”ı qarşıdakı oyunun favoritləri arasında hesab edir.
Eyni zamanda, rəqiblər indiyədək bir-birini görməyiblər, lakin “Qarabağ”ın son beş oyunda dörd qələbə qazanması, onlara əlavə motivasiya verəcək.
“Euro-football”, oyunun sonunda Azərbaycan klubunun iki qol vuraraq qapısını toxunulmaz saxlayacağına inam bəsləyir.
Oyun saat 20:45-də başlayacaq.
Zemfira Ms
Fins.az
