Rusiyanın Təl-Əvivdəki səfiri Anatoli Viktorov Rusiya vətəndaşlarına İsraili tərk etmələri barədə xəbərdarlıq edib.
"Cebheinfo.az" xəbər verir ki, Viktorov TASS xəbər agentliyinə açıqlamasında regionda vəziyyətin daha da pisləşdiyini bildirib və İsrailə getməmək barədə tövsiyələrini təkrarlayıb.
"Hazırda İsraildə olan vətəndaşlarımıza bölgəni tərk etməyi düşünməyi tövsiyə edirik", - səfir deyib.
Bəzi hava yollarının müntəzəm uçuşlarına davam etdiyini bildirən Viktorov Rusiya vətəndaşlarına bu fürsətdən istifadə etməyi tövsiyə edib.
