Sistemin ümumi siyasətləri, müharibə və sülh məsələləri barədə qərar vermək Xameneinin səlahiyyətindədir, Pezeşkian isə ona tabedir və heç vaxt onun əmrlərinə qarşı çıxmaz.
Bunu İran Prezidenti Məsud Pezeşkianın oğlu Yusif Pezeşkian özünün X hesabında yazıb.
O, prezidentin Xameneinin qisas və müharibə göstərişlərinə qarşı çıxması barədə təbliğatın İsraildən qaynaqlandığını iddia edib.
Qeyd edək ki, son günlər Əli Xaməneiyə bağlı media və şəxslərin Məsud Pezeşkiana qarşı hücumları artıb, o, inqilab dəyərlərini tapdalamaqda, ölkə rəhbərinin təlimatlarından qırağa çıxmaqda günahlandırılıb.
Tehranın İran parlamentindəki nümayəndəsi Əmir Hüseyn Sabiti Məsud Pezeşkianın Əli Xameneinin göstərişlərinə əməl etmədiyi barədə bəyanat səsləndirib.
visiontv.az
