F-1.az xəbər verir ki, alman mətbuatının yazdığına görə, qonaqlar arasında Mixael də olub.
2013-cü ilin dekabrında Fransa Alplarında başından ağır zədə alan Şumaxerdən sonra ailəsi onun şəxsi həyatını kənar diqqətdən qorumağa çalışıb. Yeddiqat dünya çempionunun səhhətinin əsl vəziyyəti haqqında yalnız bir neçə nəfər məlumatlı olub. Lakin qızının toyunda Mixael 10 ildən çox fasilədən sonra ilk dəfə ictimaiyyət qarşısına çıxıb.
Mərasim zamanı məxfiliyin qorunması üçün müəyyən tədbirlər görülüb. Villaya girişdə bütün qonaqlardan telefonlarını təhvil vermələri xahiş olunub ki, heç kim Şumaxerin şəklini çəkməsin. Bununla belə, uzun illər ərzində Mixaeli yalnız yaxınları və müalicə həkimləri deyil, həm də başqa insanlar görməsi faktı Korinna Şumaxerin ərinin məxfiliyinə riayət etmək yanaşmasını bir qədər yumşaltdığını göstərə bilər.
Formula1 əfsanəsinin oğlu Mik Şumaxerin uzun müddətdir görüşdüyü danimarkalı model Layla Hasanoviçin sosial şəbəkədə barmağındakı brilyant üzüyün şəklini nümayiş etdirərək, onun evlilik təklifi etdiyinə işarə vurması Mixael Şumaxerin yaxın gələcəkdə daha bir ailə tədbirində görünəcəyini istisna etmir.
