ABŞ prezidentliyinə Respublikaçılar Partiyasından namizəd Donald Tramp İranın İsrailə qarşı kütləvi hücumunu müharibə adlandırıb .
Sfera.az xəbər verir ki, onun Truth Social sosial şəbəkəsindəki hesabında müvafiq məzmunlu yazı paylaşılıb.
“Bu müharibənin qarşısı tamamilə alına bilərdi, heç vaxt olmamalı idi”,-deyə siyasətçi yazıb.
Keçmiş Amerika lideri aydınlıq gətirib ki, Tehranın yəhudi dövlətinə raket hücumu o hələ də hakimiyyətdə olsaydı, baş verməzdi.
Oktyabrın 1-i axşam saatlarında İsrail Müdafiə Qüvvələrinin (IDF) mətbuat xidməti İranın yəhudi dövlətinə kütləvi raket hücumuna başladığını elan edib. Jurnalistlər bunun fonunda bütün ölkə ərazisində hava hücumu xəbərdarlığının elan edildiyini bildiriblər.
“The Jerusalem Post” qəzetinin məlumatına görə, atəş zamanı Tehran İsrail ərazisinə 500-ə yaxın mərmi atıb. Hücumun hədəflərindən biri də Təl-Əviv şəhəri olub.
Daha sonra İslam İnqilabı Keşikçiləri Korpusunun (SEPAH) nümayəndələri bildiriblər ki, İran Livan Hizbullah hərəkatının Beyrutdakı yeraltı qərargahına endirdiyi zərbələrə cavab olaraq yəhudi dövlətinə qarşı hücum təşkil edib. Daha sonra strukturun baş katibi Həsən Nəsrullah ağır yaralanıb və onu xilas etmək mümkün olmayıb.
Digər səbəb Fələstin HƏMAS hərəkatının siyasi bürosunun rəhbəri İsmayıl Haniyənin yaralanması olub. O, Tehrana səfər edərkən hücuma məruz qalıb və aldığı xəsarətlərdən sağ çıxa bilməyib.
İnci
Sfera.az
