Vaşinqton, 1 oktyabr, AZƏRTAC
ABŞ-da “Helene” qasırğası nəticəsində ölənlərin satı 137-yə çatıb.
AZƏRTAC-ın məlumatına görə, ölüm hallarından 56-sı Şimali Karolina, 33-ü Cənubi Karolina, 25-i Corciya, 15-i Florida, 6-sı Tennesse, 2-si Virciniya ştatlarında qeydə alınıb.
Dağıntılar Floridadan Cənubi Appalaç dağlarına qədər 500 mildən (804 km) çox ərazini əhatə edib. Ölənlərdən 5 nəfər fövqəladə hallar üzrə agentliklərin nümayəndələridir.
Milyonlarla insanın elektrik enerjisinə və suya çıxışı hələ də yoxdur.
Məlahət Nəcəfova
AZƏRTAC-ın xüsusi müxbiri
Vaşinqton
