Vaşinqton, 1 oktyabr, AZƏRTAC
BMT Baş Katibi Antonio Quterreş Livandakı münaqişənin eskalasiyasından narahatdır və tərəfləri təcili atəşkəsə çağırıb.
AZƏRTAC-ın məlumatına görə, bu barədə BMT-nin sözçüsü Stefan Dujarriçin bəyanatında deyilir. Bildirilib ki, nəyin bahasına olursa olsun, Livanda genişmiqyaslı müharibədən çəkinmək lazımdır. S.Dujarriç bildirib ki, Antonio Quterreş Livanın baş naziri Nacib Mikati ilə telefonla danışıb və BMT-nin Livandakı sistemi ölkə daxilində kömək etmək üçün səfərbər edilib.
“Baş katib təmasları davam etdirəcək və onun ərazidəki nümayəndələri vəziyyətin deeskalasiyası üçün səylərini davam etdirəcəklər”,- bəyanatda bildirilib.
Məlahət Nəcəfova
AZƏRTAC-ın xüsusi müxbiri
Vaşinqton
