ABŞ-ın B-1B strateji bombardmançı təyyarəsi Koreya Respublikasının Silahlı Qüvvələr Günü münasibətilə mərasimin keçirildiyi Seonqnam aerodromunun üzərindən uçub. Tədbir KBS kanalı tərəfindən yayımlanıb.
Səsdən sürətli bu təyyarənin Quamdan Koreya yarımadasına uçması iki saat çəkir. Bombardmançı 57 tona qədər çəkisi olan silahları daşıya bilir. Bu bombardmançı hazırda nüvə silahları üçün çatdırılma vasitəsi kimi istifadə edilmir.
Yerli vaxtla səhər saatlarında Koreya Mərkəzi Xəbər Agentliyi KXDR-in müdafiə nazirinin müavini Kim Qan deyib ki, Pxenyan Amerikanın strateji aktivlərinin Koreya yarımadasının cənubunda yerləşdirilməsinə cavab olaraq gözlənilməz strateji tədbirlər görmək hüququnu özündə saxlayır.
Oxuməni.az
