UEFA Avropa Liqasının Liqa mərhələsinin II turunda baş tutacaq "Qarabağ" - "Malmö" (İsveç) matçına bilet satışı davam edir.
Fanat.Az Ağdam klubunun mətbuat xidmətinə istinadən xəbər verir ki, artıq 18000 bilet satılıb.
Qeyd edək ki, qarşılaşma oktyabrın 3-də, saat 20:45-də Tofiq Bəhramov adına Respublika stadionunda keçiriləcək.
Matçın biletlərinin qiyməti müvafiq olaraq 5, 20, 30, 40, 75 və 150 manat təşkil edir. VVIP C və VVIP D sektorlara bilet alaraq, VIP Lounge üstünlüklərindən yararlanmaq istəyən azarkeşlər üçün biletlərin qiyməti isə 300 manatdır. Azarkeşlər qarşılaşma üçün biletləri iTicket.az-ın satış məntəqələri (iTicket.az-da onlayn satış), Park Bulvardakı “Qarabağ” FK-nın Fan-Şopu və Tofiq Bəhramov adına Respublika stadionunun kassalarından əldə edə bilərlər.
