Vyetnamla Monqolustan arasında Kknd təsərrüfatı, elm, nəqliyyat, mədəniyyət, idman, turizm, təhsil, əmək, ətraf mühit və sosial müdafiə kimi sahələrdə nəticəyönümlü əməkdaşlıq inkişaf etdiriləcək. Bu barədə Tienphong.vn məlumat yayıb.
Vyetnam və Monqolustan Vyetnam Kommunist Partiyası Mərkəzi Komitəsinin Baş katibi, Prezident To Lamın sentyabrın 30-dan oktyabrın 1-dək dövlət səfəri zamanı hərtərəfli tərəfdaşlığın yaradılması haqqında birgə bəyanat yayıb.
Birgə məlumatda bildirilir ki, səfər zamanı Vyetnam lideri Monqolustan Prezidenti Khurelsukh Uxnaa, parlamentin sədri Amarbayasqalan Daşzeqve və baş nazir Oyun-Erdene Luvsannamsrai ilə danışıqlar aparıb.
Hər iki ölkənin liderləri Vyetnam və Monqolustan arasında son 70 ildə əhəmiyyətli dərəcədə möhkəmlənən və genişlənən ənənəvi dostluğu yüksək qiymətləndiriblər. Söhbət zamanı ikitərəfli əlaqələrin gələcəkdə inkişaf istiqamətləri, həmçinin qarşılıqlı maraq doğuran bəzi regional və beynəlxalq məsələlər müzakirə edilib.
Monqolustan liderləri təsdiq etdilər ki, Monqolustan Vyetnama Cənub-Şərqi Asiyada mühüm tərəfdaş kimi baxır və bütün sahələrdə qarşılıqlı faydalı əməkdaşlığı inkişaf etdirmək istəyir.
Oxuməni.az
