Britaniya Livandakı Britaniya vətəndaşları üçün təxliyə uçuşlarına başlanacağını açıqlayıb. Açıqlamada uçuşlarda sərnişinlərin adambaşına 350 lirə ödəməli olduğu bildirilib.
Editor.az xəbər verir ki, bu barədə İngiltərə Xarici İşlər Nazirliyindən verilən açıqlamada deyilir. Açıqlamada Livandan təxliyyə edilmək üçün Britaniya vətəndaşlarının tamamilə icarəyə götürüldüyü ticarət sərnişin təyyarəsi olduğu bildirilib. Açıqlamada Britaniya vətəndaşlarının, onların həyat yoldaşlarının və 18 yaşından kiçik uşaqlarının təyyarəyə qəbul ediləcəyi, uçuşun sabah Beyrutdakı Rafik Həriri hava limanından həyata keçiriləcəyi bildirilib. Xarici İşlər Nazirliyi Livandakı vətəndaşların evakuasiya uçuşunda iştirak edə bilmələri üçün lazımi məlumatların göndəriləcəyini açıqlayıb. Bundan əlavə, hələ bildiriş göndərməyənlərə də bunu etmələri tövsiyə olunur. Uçuşda prioritetin fövqəladə hallarda sərnişinlərə veriləcəyi bildirilərkən uçuş üçün təsdiq mesajı almayan vətəndaşların hava limanına getməmələri vurğulanıb.
Təxliyyə uçuşunda iştirak edəcək sərnişinlərin adambaşına 350 lirə ödəyəcəkləri, təyyarədə iştirak etmək istəyən əcnəbilərin isə etibarlı İngiltərə vizasının olması lazım olduğu da paylaşılıb.
//Gülnarə Abasova, Editor.az
