İranda bir neçə il əvvəl yaradılan İsrail əleyhinə idarənin rəhbərinin yəhudi dövlətinin kəşfiyyat orqanı olan "Mossad"ın agenti olduğu üzə çıxıb.
Sfera.az xəbər verir ki, bu barədə İranın eks-prezidenti Mahmud Əhmədinejad bildirib .
“Biz İsrailə qarşı bir bölmə yaratdıq və ona rəhbərlik edən şəxsin "Mossad" agenti olduğu ortaya çıxdı”, - deyə siyasətçi paylaşıb.
Əhmədinejad bunu İranda qərargahı Livanda yerləşən Hizbullah şiə təşkilatının lideri Həsən Nəsrullahın öldürülməsi fonunda İsrail casusları haqqında getdikcə daha çox danışılmağa başlanandan sonra verib.
Sentyabrın 28-də İsrail Hərbi Hava Qüvvələrinin mətbuat xidməti Nəsrullahın öldrüldüyünü açıqlayıb. Onun əsas qərar qəbul edən və təşkilatda strateji, sistemli, bəzən isə taktiki qərarları təsdiqləyən yeganə şəxs olduğunu qeyd ediblər.
İran ABŞ-ni zərbənin təşkilində ittiham edib və Vaşinqtona qarşı mübarizəni daha da gücləndirəcəyinə söz verib . Birləşmiş Ştatlar isə öz növbəsində Nəsrullahın öldürülməsini alqışlayıb və bunu “ədalət tədbiri” adlandırıb.
İnci
Sfera.az
