2-6 oktyabr tarixləri arasında Adanada keçiriləcək Aviasiya, Kosmos və Texnologiya Festivalı (TEKNOFEST) çərçivəsində keçiriləcək hava şoularının sınaq uçuşları davam edir.
Türkiyə Texnologiya Komandası Vəqfi (T3 Vəqfi) və Sənaye və Texnologiya Nazirliyinin əsas rəhbərliyi ilə, dövlət qurumlarının, texnologiya nəhənglərinin və universitetlərin töhfələri ilə Adana Hava Limanında keçiriləcək festivala hazırlıqlar davam edir.
Festival çərçivəsində hava limanında yüksək texnoloji simulyasiyalardan tutmuş elmi seminarlara və sərgilərə qədər hər yaşdan iştirakçılar üçün tədbirlər proqramının yer alacağı stendlər də qurulur.
Hava şousuna qatılacaq təyyarələrdən bəziləri Adana səmasında sınaq uçuşları həyata keçirir.
