Bakı, 30 sentyabr, AZƏRTAC
“Mən 2016-cı ildən Beynəlxalq Prokurorlar Assosiasiyasının (BPA) İllik Konfransına qatılıram. Tədbir hüquq sahəsində səmərəli müzakirələr aparmaq baxımından böyük əhəmiyyət kəsb edir”.
AZƏRTAC xəbər verir ki, bunu jurnalistlərə Beynəlxalq Prokurorlar Assosiasiyasının (BPA) 29-cu İllik Konfransı və Ümumi Yığıncağı çərçivəsində Ümum-Hindistan Prokurorlar Assosiasiyasının milli vitse-prezidenti Padma Rao Lakkaraju bildirib.
Azərbaycan-Hindistan əlaqələrinə toxunan P.R.Lakkaraju bildirib ki, ölkələrimiz arasında ikitərəfli əlaqələr müxtəlif istiqamətlərdə inkişaf edə bilər.
O, həmçinin Atəşgah məbədini ziyarəti barədə təəssüratını da bölüşüb.
Qeyd edək ki, Bakıda Beynəlxalq Prokurorlar Assosiasiyasının 29-cu İllik Konfransı və Ümumi Yığıncağı keçirilir.
