Rusiyada bankların push bildirişlərini imitasiya edən troyan viruslarının yayılması baş verib. Fırıldaqçılar, telefon ekranını kilidləyərək istifadəçini aldatmaq üçün psixoloji manipulyasiyadan istifadə edirlər. Ekran bloklandıqdan sonra, qurban saxta bank işçisindən zəng alaraq pullarını “təhlükəsizləşdirmək” üçün ödəniş məlumatlarını təqdim edir.
QHT.az xəbər verir ki, SafeTech-in baş direktoru Denis Kalemberg, fırıldaqçıların cihazlara qismən daxil olduğunu bildirib. Fırıldaqçılar, istifadəçiləri mobil ödəniş sistemləri proqramı quraşdırmağa və onların kartlarını bağlamağa inandıraraq, nağd pulları öz hesablarına yönləndirirlər. Bu cür virusların, yoluxmuş saytlara daxil olmaqla və lisenziyasız proqram yükləməklə yayılması baş verir.
Sberbank, bu cür fırıldaqçılıq hallarının artdığını vurğulayır və istifadəçiləri diqqətli olmağa çağırır.
Pərvanə Fərhadqızı
