Latviya Mediatorlar Şurasının sədri Failə Abbasova, Azərbaycanda mediasiya prosesinin bütün tərəflərini görməyin ona çox faydalı olduğunu bildirib. O, AZƏRTAC-a verdiyi müsahibədə, mediasiyanın mübahisələrin həllində "qazan-qazan" prinsipi ilə işlədiyini və bu prosesin məhkəmə prosesindən fərqli olaraq, uduzan tərəf olmadığını vurğulayıb.
QHT.az xəbər verir ki, Abbasova, mediasiya sahəsinə girişi ilə bağlı, peşəkar hüquqşünas kimi yaşadığı kəşfləri paylaşaraq, münaqişənin həlli prosesinin yaradıcı bir iş olduğunu qeyd edib. O, Latviyada gənc nəsilin mediasiyaya daha çox meyilli olduğunu və bunun mübahisələrin həllində yeni yanaşmalar yaradacağını bildirib.
Eyni zamanda, Failə Abbasova, Latviya Mediatorlar Şurası ilə Azərbaycan Mediasiya Şurası arasında imzalanan əməkdaşlıq memorandumunun iki ölkə arasında mediasiya sahəsində əlaqələrin inkişafına müsbət təsir edəcəyini qeyd edib.
