Oxu.Az TASS-a istinadən xəbər verir ki, Nepalın paytaxtında 1970-ci ildən bəri ən yüksək yağıntı qeydə alınıb. Nəticədə alçaq ərazilərdə daşqınlar və sel baş verib.
Himalay Ştatının Meteorologiya Mərkəzinin məlumatına görə, Katmanduya orta hesabla 240, bəzi bölgələrdə isə 322 mm yağıntı düşüb.
Polis sözçüsü Dan Bahadur Karki jurnalistlərə bildirib ki, xilasetmə əməliyyatları davam etdiyi üçün ölənlərin sayı arta bilər. Xilasetmə qrupları üç mindən çox insanı təhlükəsiz yerlərə daşıyıb. Əməliyyatlara helikopterlər və motorlu qayıqlar cəlb olunub.
