İsrail Hərbi Hava Qüvvələrinin Livanın müxtəlif bölgələrində həyata keçirdiyi əməliyyat nəticəsində bir gündə 120-dən çox şəxs ölüb.
“Report” xəbər verir ki, bu barədə Livanın Səhiyyə Nazirliyi məlumat yayıb.
Qeyd olunub ki, son 24 saat ərzində 123 nəfər ölüb, 359-u isə yaralanıb.
Xatırladaq ki, İsrail Hərbi Hava Qüvvələri Livanda “Hizbullah” təşkilatına qarşı əməliyyat həyata keçirib. Hava hücumu zamanı “Hizbullah” hərəkatının baş katibi Həsən Nəsrullah da zərərsizləşdirilib.
