"Neftçi" Azərbaycan Premyer Liqasının VIII turunda da qələbə qazana bilməyib.
Sportinfo.az xəbər verir ki, "ağ-qaralar" doğma meydanda "Sumqayıt"la üz-üzə gəlib.
Qarşılaşma 1:1 hesabı ilə başa çatıb. "Gənclik şəhəri" təmsilçisində 70-ci dəqiqədə Cordan Rezabala hesabı açıb. Meydan sahiblərində Yuri Matias 76-cı dəqiqədə tarazlığı bərpa edib.
Paytaxt klubu bu nəticədən sonra beş xalla 8-ci, qonaqlar yeddi xalla 7-ci pillədə qərarlaşıb.
