Çeçenistan müftisi Salah Mejiyev Şimali Qafqaz Müsəlmanlarının Əlaqələndirmə Mərkəzinin sədri seçilib.
APA-nın Rusiya bürosu xəbər verir ki, bu barədə yerli KİV mərkəzin mətbuat xidmətinə istinadən məlumat yayıb.
Qeyd edək ki, Şimali Qafqaz Müsəlmanlarının Əlaqələndirmə Mərkəzinin sədri, Qaraçay-Çərkəz Respublikasının müftisi İsmayıl Berdiyev olub. Berdiyev bu ilin avqustun 5-də vəfat edib. Onun vəfatından sonra Mərkəzə Çeçenistan müftisi Salah Mejiyev seçilib.
