ABŞ hökuməti Donald Trampın keçmiş milli təhlükəsizlik müşaviri Con Boltonu öldürmək üçün sui-qəsddə ittiham olunan iranlının həbsi ilə bağlı məlumat üçün 20 milyon dollar mükafat təklif edir...
Poliqon xəbər verir ki, bu barədə BBC məlumat yayıb.
ABŞ Ədliyyə Nazirliyinin İran İslam İnqilabı Keşikçiləri Korpusunun (SEPAH) üzvü Şəhram Pursəfi 300 min dollar müqabilində İranın qatı tənqidçisi Boltonu öldürmək üçün ABŞ-da insanları işə götürməyə çalışmaqda ittiham etdiyi bildirilir.
Hüquq-mühafizə orqanlarının məlumatına görə, 2021-ci ilin oktyabrından 2022-ci ilin aprelinə qədər Pursəfi Vaşinqtonda və ya Merilenddə Boltonu öldürmək üçün ABŞ-da cinayətkar şəxsləri işə götürməyə cəhd edib.
Dövlət Departamentinin məlumatına görə, onun əlaqə saxladığı potensial qatillərdən biri ABŞ hüquq-mühafizə orqanlarının məlumatçısı olub.
İddiaya görə, Pursəfi həmin şəxsə Boltonun öldürülməsindən sonra onun üçün qətllə bağlı ikinci bir işi olacağını deyib.
ABŞ Ədliyyə Departamenti Pursəfini 2022-ci ildə qətl törətməkdə sui-qəsddə ittiham edib. O, hazırda azadlıqdadır və rəsmilər onun ABŞ-da olduğuna inanmırlar.
İran bundan əvvəl Trampın orbitindən olan məmurları öldürmək və ya ABŞ-ın işlərinə qarışmaq üçün sui-qəsd təşkil etdiyini inkar edib.
Avqustun sonunda ABŞ xüsusi xidmət orqanları İranın Respublikaçılar Partiyasından prezidentliyə namizəd Donald Trampın komandasının daxili yazışmalarını sındıraraq Co Bayden və Kamala Harrisin qərargahlarının serverlərini sındırmağa cəhd etdiyini bildirib.
Poliqon.info
