Dopinq testinə görə rüşvət verən idmançıya CƏZA KƏSİLDİ

Ağır atletika üzrə dünya çempionatının ikiqat mükafatçısı Dmitri Çumak antidopinq qaydalarını pozduğuna görə 6 il müddətinə diskvalifikasiya edilib.
"Ölkə.az" xəbər verir ki, bu barədə Beynəlxalq Dopinq Testi Agentliyi (ITA ) məlumat yayıb.

2021-ci ilin may ayında Çumak dopinq testindən keçməkdən imtina edib, sonra isə dopinq zabitinə rüşvət verməyə cəhd edib. Eyni zamanda, idmançının məşqçisi Mixail Matsexa cinayətin törədilməsində iştirak edib. Çumakla bağlı cəza 4 iyun 2021-ci il tarixindən qüvvəyə minib.
Dünya çempionatlarında qazanılan iki mükafatdan əlavə (Hyuston 2015, 94 kq-a qədər bürünc; Aşqabad, 102 kq-a qədər gümüş) Çumak üçqat Avropa çempionudur.(Publika.az)