“Ukrayna Prezidenti Volodimir Zelenski hakimiyyətini möhkəmləndirməyə çalışmaq üçün 2025-ci ildə prezident seçkiləri keçirməyi düşünür”.
Yeniavaz.com xəbər verir ki, bu barədə “The Economist” məlumat yayıb.
Bildirilir ki, 2023-cü ildə ölkənin əsas siyasi qüvvələri müharibə bitənə qədər seçki keçirməmək barədə razılığa gəlsələr də, Zelenski bu addımı atmağa qərar verə bilər. Bununla bağlı nəşr Amerika Milli Demokratik Beynəlxalq Münasibətlər İnstitutunun sorğusunun nəticələrinə istinad edir. Onun məlumatlarına görə, ukraynalıların Zelenskiyə inamı 2023-cü ilin mayında 80%-dən 2024-cü ildə 45%-ə düşüb.
Sentyabrın əvvəlində həftəlik “The Sunday Times” qəzeti münaqişənin uzanması və bəyənmədiyi nazirlərin işdən çıxarılması fonunda Zelenskinin populyarlığının aşağı düşdüyünü qeyd edib. Nəşrin söhbət etdiyi Ukrayna sakinlərinin sözlərinə görə, çoxları ölkə başçısının təhlükəsizliyin təmin edilməsindən daha çox siyasi oyunlara diqqət yetirdiyinə inanır.