Yaşar Gülər ​​Zakir Həsənovla görüşüb

Türkiyənin milli müdafiə naziri Yaşar Gülər ​​Azərbaycanın müdafiə naziri general Zakir Həsənovla görüşüb.
Bu barədə Türkiyə Milli Müdafiə Nazirliyinin yaydığı bəyanatda bildirilib.
Məlumata əsasən, Yaşar Gülər və Zakir Həsənov heyətlər arasında baş tutan görüşlərə sədrlik ediblər. Görüşdə Türkiyə Silahlı Qüvvələrinin Baş Qərargah rəisi ordu generalı Metin Gürak, Hərbi Dəniz Qüvvələri komandanı admiral Ərcüment Tatlıoğlu, Quru Qoşunları komandanı general-leytenant Səlcuq Bayraktaroğlu və Hərbi Hava Qüvvələri komandanı general Ziya Kadıoğlu da iştirak ediblər.
Qeyd edək ki, Yaşar Gülər Beynəlxalq Müdafiə Sənayesi Sərgisi çərçivəsində Azərbaycana səfər edib.