ABŞ-ın gələn həftə ayırmağı planlaşdırdığı Ukrayna üçün yeni silah paketinin həcmi 375 milyon dollar təşkil edəcək.
"Operativ Media" xəbər verir ki, Agentliyin qeyd etdiyi kimi, Amerikanın Kiyevə hərbi yardımının yeni paketinə patrul katerləri, HIMARS reaktiv yaylım atəş sistemləri üçün döyüş sursatları, 155 mm və 105 mm-lik artilleriya mərmiləri və digər silahlar daxildir.
Yeni yardım paketinin ümumi həcminin 375 milyon dollar olacağı gözlənilir.
CNN daha əvvəl xəbər vermişdi ki, ABŞ gələn həftə Ukraynaya böyük yeni hərbi yardım paketini açıqlayacaq, lakin Kiyevə silah və texnikanın tədarükü ehtiyat çatışmazlığı səbəbindən gecikmələrlə üzləşəcək.
Telekanal qeyd edib ki, yeni paketin ölçüsü son çatdırılmalardan xeyli böyük olacaq. Sentyabrın əvvəlində Vaşinqton administrasiyası Kiyevə 250 milyon dollar dəyərində hərbi yardım paketi ayırıb, bu paketə avadanlıq və sursat daxildir.
