Aİ diplomatiyasının rəhbəri Josep Borrell Telecinco telekanalına müsahibəsində ABŞ-da keçiriləcək prezident seçkilərinə qədər beynəlxalq problemlərin heç birinin həll olunmayacağından narahat olduğunu bildirib.
O, “ən böyük məyusluğunu” “Qəzza zolağındakı dəhşəti dayandıra bilməməsi” adlandırıb.
Borrell həmçinin Aİ-də Ukraynanın Rusiya ərazisinə zərbələr endirmək üçün Qərb silahlarından istifadə etməsinə icazə verilməsi məsələsində razılığın olmamasından təəssüfləndiyini bildirib.
“Qorxuram ki, ABŞ seçkilərinə qədər biz heç bir problemin həllini görməyəcəyik” dedi Aİ diplomatiyasının rəhbəri.
Fevral ayında Borrell Avropanı “Amerika dostu” olmadan mövcud olmağı öyrənməyə çağırıb , çünki Donald Tramp ABŞ prezident seçkilərində qalib gələrsə, dünyada siyasi vəziyyət dəyişə bilər.
Mənbə RİA Novosti
