Çinin Müdafiə Nazirliyindən verilən məlumata görə, Pekində Çin və ABŞ Müdafiə nazirliklərinin nümayəndələri işgüzar görüş keçirib.
Tərəflər Çin və ABŞ silahlı qüvvələri arasında münasibətlər, iki ölkənin hərbi qüvvələri arasında növbəti mərhələdə mübadilələr, eləcə də qarşılıqlı maraq doğuran məsələlər ətrafında geniş fikir mübadiləsi aparıblar.
Çin tərəfdən görüşdə Çin Xalq Respublikasının Mərkəzi Hərbi Şurasının beynəlxalq hərbi əməkdaşlıq şöbəsinin müdiri, ABŞ-ı isə Pentaqonun rəhbərinin köməkçisinin müavini təmsil edib.
İyun ayında Pentaqon rəhbəri Lloyd Austin çinli həmkarı Dong Jun ilə söhbətlərindən müsbət emosiyalar yaşamadığını etiraf etdi.
Mənbə RİA Novosti
