Bu həftə Misli Premyer Liqasının 6-cı turunun oyunları keçiriləcək.
Futbolinfo.az xəbər verir ki, milli komandaların görüşləri ilə əlaqədar fasilədən sonra baş tutacaq turun matçları üç günü əhatə edəcək.
Peşəkar Futbol Liqası üz-üzə gələcək cütlərin ölkə çempionatları tarixindəki əvvəlki oyunlarının balansını açıqlayıb.
Misli Premyer Liqası
VI tur
13 sentyabr (cümə)
“Araz-Naxçıvan” – “Kəpəz” – 8 oyun, +2=0-6, top fərqi – 8-20
Son üç oyunda “Kəpəz” qalib gəlib. “Kəpəz” son dörd matçda qol vurub.
14 sentyabr (şənbə)
“Şamaxı” – “Sumqayıt” – 43 oyun, +18=13-12, top fərqi – 60-45
“Şamaxı” son iki qarşılaşmada qol vurmayıb. “Sumqayıt” son üç səfərdə qalib gəlməyib.
“Qarabağ” – “Səbail” – 27 oyun, +22=2-3, top fərqi – 60-14
“Qarabağ” bütün görüşlərdə qol vurub. Texniki nəticə nəzərə alınmasa, “Səbail” səfərdə xal qazanmayıb.
* – texniki nəticə top fərqində nəzərə alınmayıb.
15 sentyabr (bazar)
“Zirə” – “Neftçi” – 34 oyun, +13=9-12, top fərqi – 33-38
“Neftçi” son 8 oyunda qol vurub. Son 6 matçda qonaq olan komanda qalib gəlməyib.
* – texniki nəticə top fərqində nəzərə alınmayıb.
“Sabah” – “Turan Tovuz” – 8 oyun, +4=1-3, top fərqi – 10-11
“Turan Tovuz” bütün səfərlərdə qol vurub. “Sabah” son üç ev görüşündə qalib gəlməyib.
