“Demokratların namizədi, vitse-prezident Kamala Harris prezident seçkilərində qalib gəlsə, Birləşmiş Ştatlar heç vaxt Marsa ilk insanları göndərə bilməyəcək”.
Yeniavaz.com xəbər verir ki, bu barədə amerikalı milyarder İlon Mask sosial şəbəkə hesabında yazıb.
“Kamala qalib gəlsə, biz heç vaxt Marsa çatmayacağıq. Harris dövründə dövlət sektorunda əhəmiyyətli islahatlar aparılmayınca ABŞ-də qanun və qaydalar hər il daha da pisləşəcək. Bu şəhərlərimiz arasında yüksək sürətli dəmir yolu xəttinin işə salınmasından tutmuş bir neçə planetdə həyatın yaradılmasına qədər istənilən iri müəssisə faktiki olaraq qeyri-qanuni hala gələnə qədər baş verəcək. Tramp böyük işlərin görülməsinə imkan verən hökumətin səmərəlilik komitəsini dəstəkləyir, Kamala isə yox”, – Mask vurğulayıb.
Qeyd edək ki, daha əvvəl, sentyabrın 8-də Mask bildirib ki, “Starship” kosmik gəmisi iki ildən sonra Marsa insansız gedə biləcək. Onun sözlərinə görə, eniş uğurlu olarsa, dörd ildən sonra Marsa sərnişin daşınması həyata keçiriləcək. Maskın sözlərinə görə, uçuşların əsas məqsədi 20 il ərzində Marsda özünü təmin edən şəhər yaratmaqdır.

• Abş
• Seçkilər
• Kamala Harris
• İlon Mask