"Abzas Media" işi çərçivəsində həbs edilən Nərgiz Absalamova və Məhəmməd Kekalov barəsində olan həbs qətimkan tədbiri uzadılıb.

Reyting.az "Report"a istinadla xəbər verir ki, qərar Xətai Rayon Məhkəməsində hakim Sahibə Hacıyevanın sədrliyi ilə keçirilən iclasda qəbul olunub.

Qərara əsasən, onların həbs müddəti daha üç ay uzadılıb.

Qeyd edək ki, N.Absalamova və M.Kekalov ötən il Cinayət Məcəlləsinin 206.3.2-ci (qaçaqmalçılıq, qabaqcadan əlbir olan bir qrup şəxs tərəfindən törədildikdə) maddəsi ilə təqsirli bilinərək həbs olunublar.