"Real Madrid"in baş məşqçisi Karlo Ançelotti "Los Blancos"dan ayrıldıqdan sonra karyerasını Səudiyyə Ərəbistanında davam etdirmək variantını nəzərdən keçirir.
90deqiqe.Az xəbər verir ki, bu barədə jurnalist Ramon Alvares de Mont "X" sosial şəbəkəsində (keçmiş Twitter) məlumat verib.
O "Real Madrid" rəhbərliyi Ançelottinin ideal davamçısı kimi "Bayer"in baş məşqçisi Xabi Alonsonu gördüyünü qeyd edib.
İtalyan mütəxəssisin Kral Klubu ilə hazırkı əmək müqaviləsi 2026-cı ilin yayına kimi nəzərdə tutulub. Ançelotti 2021-ci ilin yayında Real Madridə qayıdıb. Bundan əvvəl 65 yaşlı məşqçi 2013-2015-ci illərdə Los Blankosa rəhbərlik edib. Ançelottinin rəhbərliyi altında İspaniya nəhəngi 3 dəfə Çempionlar Liqasının qalibi olub.
