"Mançester Siti"nin və Portuqaliya yığmasının yarımmüdafiəçisi Bernardo Silva bir mövsüm ərzində çoxlu sayda matç keçirmələrindən danışıb.
Publika.az xəbər verir ki, o, vəziyyətdən narazılığını bildirib:
“Təqvim tamamilə çılğındır. İndicə öyrəndik ki, Liqa Kuboku matçına qədər cəmi bir gün istirahətimiz var. Yəqin ki, bir neçə ay ərzində üç gündən bir oynayacağıq. Bu, tamamilə absurddur.
Çempionlar Liqasında 1/8 finala yüksəlməsən, hələ daha iki oyun keçirməlisən. Düzdür, heyətlər daha böyükdür, amma bunun asan olduğunu söyləmək fikrində deyiləm. Ailəm və dostlarımla çox az vaxt keçirirəm. İştirak etdiyimiz oyunların sayı həddindən çoxdur”.
