Niderland millisinin yarımmüdafiəçisi Stiven Berqveyn millinin baş məşqçisi Ronald Kumanın tənqidlərinə sərt reaksiya verib.
90deqiqe.Az xəbər verir ki, "De Telegraaf" 26 yaşlı oyunçunun dediklərini belə çatdırıb:
“Onun rəhbərliyi altında oynamağa davam etmək istəmirəm. Haqqımda açıq şəkildə belə danışan heç kimlə əməkdaşlıq etməyəcəyəm. Mənə zəng edib arqumentlərimi dinləyə bilərsiniz. Mənimlə danışmadan necə belə bəyanatlar verə bildiniz?”
Xatırladaq ki, Kuman Berqveyn Səudiyyə Ərəbistanında davam etmək qərarına mənfi münasibət bildirərək, oyunçunun idmandan çox pul seçdiyini söyləmişdi.
Sentyabrın 3-də 26 yaşlı Berqveynin keçmiş klubu “Ayaks” futbolçunu “Əl-İttihad”a satdığını açıqlayıb
Niderland millisinin heyətində Stiven Berqveyn 35 oyun keçirib və 8 qol vurub.
