“Benfika" klubunun yeni baş məşqçisi bəlli olub.
90deqiqe.Az-ın məlumatına görə, portuqaliyalı mütəxəssis Bruno Lage "qartallar"ın sükanı arxasına gətirilib.
48 yaşlı çalışdırıcı ilə 2026-cı ilin yayına qədər müqavilə imzalanıb.
Lage bu postda Rocer Şmidti əvəzləyib.
Lagenin son iş yeri məşqçinin 2023-cü ilin oktyabrında tərk etdiyi Braziliyanın “Botafoqo” klubu olub.
Xatırladaq ki, hazırda Lissabon komandası Portuqaliya çempionatının turnir cədvəlində cəmi yeddinci yeri tutur. Benfika oyunçuları ilk dörd turda yeddi xal toplaya bilib.
