"Mançester Siti"nin və İspaniya millisinin yarımmüdafiəçisi Rodri "Qızıl top" mükafatı barədə danışıb.
Publika.az xəbər verir ki, o, bu fərdi titulu ispaniyalı futbolçunun qazanmasını istəyir:
“Avro-2024-də qalib gəldikdən sonra dedim ki, "Qızıl top"u ispaniyalı oyunçu alsın. İspaniya futbolu buna layiqdir.
Uzun illərdən sonra biz kubok qazandıq. Tariximizin ən yaxşı dövrünü keçirdik, amma bu mükafatı qazana bilmədik Çünki iki əfsanə var idi - Kriştiano Ronaldo və Lionel Messi. Onların ən yaxşı olmadığını söyləmək çətindir, çünki onlar həqiqətən ən yaxşı idilər.
İndi ən yaxşı oyunçularımız var və biz ən yaxşı futbol oynayırıq. İspaniya buna layiqdir”.
