Ermənistan hökuməti 2018-ci ilin mayında yaradılmış “Hərbi Texniki Tədqiqatlar İnstitutu” dövlət qeyri-kommersiya təşkilatını ləğv etmək barədə qərar qəbul edib.
Musavat.com xəbər verir ki, bu barədə erməni mediası məlumat yayıb.
Qərara əsasən, 2023-cü ildə Müdafiə Nazirliyinin və Silahlı Qüvvələrin Baş Qərargahının funksiyalarını və strukturunu dəqiqləşdirən yeni nizamnamələri təsdiq edilib.
Nəticədə ləğv edilən institutun bir sıra funksiyaları nazirliyin ayrı-ayrı hərbi nümayəndəliklər şöbəsinə, Baş Qərargahın strateji planlaşdırma idarəsinə və Baş Qərargahın Əməliyyat Baş idarəsinin hərbi-iqtisadi şöbəsinə həvalə olunub.
Vəsaitlərin optimallaşdırılması nöqteyi-nəzərindən və idarəetmə funksiyalarının təkrarlanmasının qarşısını almaq üçün qurumun ləğv edilməsi məqsədəuyğun hesab edilib.
Musavat.com
