Amazon-un distribütor şəbəkəsində işləyən sürücülər, uzun iş saatları ərzində fasilələrə ehtiyac duysalar da, sıx iş qrafikinə bağlı olduqları üçün bu ehtiyacları ödəməkdə çətinlik çəkirlər. Hətta iddia edilir ki, sürücülər tualet fasiləsi vermək əvəzinə, plastik butulkalardan ehtiyaclarını ödəmək üçün istifadə edirlər. Bu şikayətlərdən bəziləri işçilərin Amazon-un iş yükünü necə idarə etdiyini sorğulamağa vadar edib. Bir çox sürücülər bildirirlər ki, marşrutda olarkən onlara fasilə verməyə icazə verilmir, ona görə də bioloji ehtiyaclarını belə ödəyə bilmirlər. Son olaraq, Reddit-dəki bir istifadəçi iddia edir ki, şirkət işçilərinə çatdırılma zamanı - məsələn, radioda mahnı oxunarkən dodaqlarını oynatmağa qadağan edib. Şirkət, bu cür iddiaları rədd edir və işçilərinə bütün lazımi fasilələr verildiyini və iş şəraitinin çox yaxşı olduğunu müdafiə edir. Xüsusilə Reddit-dəki "mahnı oxuya bilməmək" iddiasından sonra açıqlama verən şirkətin PR departamenti meneceri, "Reddit-dəki bu yazı tamamilə yalandır. Amazon heç vaxt Çatdırılma Xidməti Tərəfdaşlarına nəqliyyat vasitələrində mahnı oxumağı qadağan edən təlimat və ya kommunikasiyalar verməmişdir" deyərək Amazon-da işləyən işçilərin bir gününü göstərən videonu xatırladıb.
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
