Çin polisi Britaniyanın AstraZeneca əczaçılıq şirkətinin hazırkı və keçmiş beş əməkdaşını saxlayıb.
“İki sahil” xəbər verir ki, bu haqda “Bloomberg” öz mənbələrinə istinadla məlumat yayıb.
Saxlanılanların hamısı Çin Xalq Respublikasının vətəndaşlarıdır. Onlar AstraZeneca-da onkoloji dərmanların satışı ilə məşğul olublar. İstintaqı Şençjen Polis İdarəsi aparır və həbslər bir neçə gün əvvəl baş tutub.
Rəsmi olaraq nə səlahiyyətlilər, nə də şirkətin özü bu xəbərlərə hələlik münasibət bildirməyib. Agentliyin məlumatına görə, həbslərdən biri xəstə məlumatlarının toplanması və şəxsi məlumatların qorunması ilə bağlı Çin qanunlarının mümkün pozulması ilə bağlı araşdırma ilə bağlıdır. Bundan əlavə, səlahiyyətlilər Çində istifadəsinə icazə verilməyən dərmanların idxalında mümkün pozuntuları araşdırır.
