Misirli vaizlərin ev heyvanlarının, o cümlədən pişiklərin saxlanması və qadınların işləməsi ilə bağlı verdiyi fətvalar ölkədə sosial media istifadəçiləri arasında geniş tənqid və müzakirələrə səbəb olub. Məsələ ilə bağlı Misirin fətva qurumu "Darul İfta"dan da cavab gəlib.
Hafta.az-ın yazdığına görə, Əl-Əzhərdə dinlər və məzhəblər üzrə araşdırma aparan misirli vaiz Abdullah Rüşdinin adı sosial media hesablarında olan qadınlarla bağlı ardıcıl paylaşımlarından sonra trendə çevrilib.
Rüşdi paylaşımlarının birində “işini və müdirinə itaət etməyi ərinə itaətdən daha vacib sayan qadını” tənqid edib və “ərin işdən daha önəmli” olduğunu vurğulayıb. O, başqa bir paylaşımında arvadının aşağıladığı ərinə “arvadını həyatından silməyi” məsləhət görüb. Bu yazılar sosial mediada sürətlə yayılaraq, çoxlu qarşı təsir bağışlayıb.
Bir qrup təbliğatçının dediklərini pisləyib və onu sözlərini geri götürməyə çağırıb. Bəziləri sözügedən yazının müəllifinin qalmaqallı açıqlamaları, baxışları və fətvaları ilə bir çox böhranlara səbəb olduğuna, qadınları təhqir etdiyi, məzhəb qarşıdurmasını qızışdırdığı əsaslarla ona qarşı bir sıra şikayətlər edildiyinə diqqət çəkib.
Misirin fətva qurumu olan "Darul İfta"ın rəsmi səhifələrində dərc olunan məqalədə ailələrini dolandırmaq üçün çalışan qadınların hökmünü izah edən bir məqalə paylaşan bəzi şəxslər, “özünü və ya ailəsini dolandırmaq üçün işə gedən qadın böyük bir mükafata layiqdir” deyiblər.
Bu fikrə qarşı çıxanlar təbliğçinin fikrini haqlı sayaraq, qadının işinin “yalnız lazım olduqda” ola biləcəyini, evinin qadın üçün “prioritet” olduğunu iddia edirdilər. Onlar Rüşdinin qeyd etdiyi misalların “cəmiyyətdə çoxluğu təmsil etməyən hallar” olduğuna da diqqət çəkiblər.
Digər tərəfdən, Misir Vəqflər Nazirliyinin şeyxlərindən olan vaiz Məhəmməd Əbu Bəkr mübahisəli fətva verərək, pişiklərin qidalanmasının hökmünü açıqlayıb və onların yeməyinə pul xərcləməyin caiz olmadığını bildirib.
Televiziya proqramında pişiklərin evdə deyil, küçələrdə olması ilə bağlı mübahisə edən şeyx, pişik yeminə xərclənən pulun ehtiyacı olan insanlara verilməsinə diqqət çəkib.
Sosial medianın bir çox nüfuzlu şəxsləri fətva sahibini tənqid edib reaksiya versə də, bəziləri hətta fətva verənlərin məsuliyyətə cəlb olunmasını tələb ediblər.
Şərhlərin əksəriyyətində heyvanlara mərhəmət və şəfqət göstərməyin vacibliyi vurğulanaraq, itə su verdiyi üçün cənnətə gedən kişinin və pişiyə işgəncə verdiyi üçün cəhənnəmə gedən qadının hekayəsi xatırladılıb.
Bəzi sosial media təsir dairələri, “Darul İfta” tərəfindən yayımlanan və pişiklərin qidalanmasının, onlara qulluq edilməsinin icazəli olduğu fətvasını paylaşıb.
Ötən həftə Misirin Baş Müftisi Dr. Nəzir Əyyad vurğulayıb ki, "Darul İfta" vətəndaşların ehtiyaclarını ödəmək, orijinallıq və müasirlik arasında tarazlığı təmin etmək üçün dəqiq şəriət elminə əsaslanan və müasir inkişafları nəzərə alaraq fətvalar vermək əzmindədir.
Əyyad, Misir Nümayəndələr Palatasının Dini İşlər Komitəsinin sədr müavini və Əl-Əzhər Universitetinin keçmiş rektoru Dr. Usamə əl-Abd ilə görüşündə deyib: “Biz həmişə fətva mexanizmlərini təkmilləşdirməyə və onları müasir reallığımıza uyğunlaşdırmağa çalışırıq. Bu, insanları yaxşıya və doğruya yönəltməkdə, millətin ümumi mənafeyinin təmin edilməsində fətvanın rolunun artırılmasına töhfə verir”.
